ශ්‍රී ලංකාවට යළි පැමිණීමේ අපේක්ෂාවෙන් යේමනයේ සිරවී සිටින ශ්‍රී ලාංකිකයන් 40 දෙනා වහාම ක්‍රියාත්මක වන පරිදි ආරක්ෂිත ස්ථාන වෙත යොමු කිරීමට පියවර ගෙන තිබෙන බව රජය අවධාරණය කරයි. මේ වනවිට යේමනයේ යුද ගැටුම් පවතින සානා අගනුවර සහ අනෙකුත් ප්‍රදේශවලින් ඔවුන්ව ඉවත්කර ගෙන තිබෙන අතර සානා අගනුවරට කිලෝමීටර් 200ක් ඈතින් පිහිටි හො‍දෙයිදා වරාය ප්‍රදේශයට ඊයේ (06) වනවිට රැගෙනවිත් තිබෙන බව වැඩබලන විදේශ කටයුතු ඇමැති නීතීඥ අජිත් පී පෙරේරා මහතා ප්‍රකාශ කරයි.
ත්‍රස්තවාදයට එරෙහිව ශ්‍රී ලංකාව ගෙන ගිය සටනේදී මෙන්ම ගැටුම්වලින් අනතුරුව ස්වෛරිභාවය හා භෞමික අඛණ්ඩතාව ආරක්ෂා කිරීම සඳහා පාකිස්තානය ලබා දුන් අඛණ්ඩ සහයට ශ්‍රී ලංකාව අතිශයින්ම කෘතඥවන බව ජනාධිපති මෛත්‍රීපාල සිරිසේන මහතා ඊයේ (6) පැවැසීය.
සාම්ප්‍රදායික චාරිත්‍රානුකූලව සිංහල හා දෙමළ අලුත් අවුරුදු නැකැත් සීට්ටුව ජනාධිපති මෛත්‍රීපාල සිරිසේන මැතිතුමා වෙත පිළිගැන්වීම ඊයේ (01) පෙරවරුවේ ජනාධිපති නිල නිවසේදී සිදු විය.
අතීතයේ සිංහල හා දෙමළ අලුත් අවුරුදු චාරිත්‍ර හා නැකැත් අණ බෙරකරුවන් මාර්ගයෙන් ගෙයින් ගෙට ගොස් බෙදාදීම සිදුවූ අතර මෙය සිංහල අලුත් අවුරුදු සීට්ටුව නමින් හැඳින්විණි. පැරණි ක්‍රමය සිහිගන්වමින් මෙහිදී අණබෙරකරු මාර්ගයෙන් ජනාධිපතිතුමා වෙත නැකැත් චාරිත්‍ර පිළිගැන්විණ.
විදේශ ප්‍රතිපත්තියේදී මැදිහත් පිළිවෙතක්‌ අනුගමනය කරන අතරම සියලු ජාතීන් වෙත මිත්‍රත්වයේ හස්‌තය දිගු කරමින් ජාත්‍යන්තර ප්‍රජාව සමඟ සිදු කරන කටයුතුවලට නව ප්‍රවේශයක්‌ ලබා දෙන බව ජනාධිපති මෛත්‍රීපාල සිරිසේන මහතා චීනයේ පැවැති බොආඕ සමුළුව අමතමින් සඳහන් කළේය.
රාජ්‍ය නායකයන් රැසකගේ සහභාගිත්වයෙන් පසුගිය 28 වැනිදා පැවැති එම සමුළුව අමතමින් ශ්‍රී ලංකා ජනාධිපතිවරයා තවදුරටත් මෙසේද කීය.
එල්.ටී.ටී.ඊ.ය සංවිධානය නැවත වරක් යුරෝපා සංගමය තුළ තහනම් සංවිධානයක් ලෙස නම්කරවා ගැනීමට ශ්‍රී ලංකා රජය සමත්ව ඇති බව විදේශ අමාත්‍යාංශය සඳහන් කරයි. එල්.ටී.ටී.ඊ. තහනම ඉවත් කරන ලෙස යුරෝපා අධිකරණයක් විසින් පසුගියදා තීරණයක් ලබාදුන් නමුත් යුරෝපය තුළ එල්.ටී.ටී.ඊ. තහනම තවදුරටත් පවත්වාගෙන යාමට ශ්‍රී ලංකා රජය සමත්ව ඇති අතර එය මෙරට මෑත කාලීනව ලැබූ විශිෂ්ටතම රාජතාන්ත්‍රික ජයග්‍රහණයක් වන බවත් විදේශ කටයුතු නියෝජ්‍ය අමාත්‍ය අජිත් පී.පෙරේරා මහතා ප්‍රකාශ කර සිටී.
මෙවර අධ්‍යන පොදු සහතික පත්‍ර සාමාන්‍ය පෙළ විභාගයේ ප්‍රතිඵල අනුව ලංකාවෙන්ම ප්‍රථම ස්ථානය – කොළඹ නාලන්දා විද්‍යාලයේ එල්. තරිඳු නිර්මාල් වික්‍රමසිංහ සිසුවා හිමිකරගෙන ඇත. පහත දැක්වෙන්නේ ප්‍රථම දෙවන සහ තෙවන ස්ථාන හිමිකර ගත් සිසු සිසුවියන්ගේ නම් ය.
යුරෝපා සංගමයේ ජී.එස්.පී. බදු සහනය මෙම වසර තුළ යළි ශ්‍රී ලංකාවට ලැබෙනු ඇති බවට තානාපති ආරංචි මාර්ග අනාවැකි පළ කර සිටී. මෙම සහනය යළි ශ්‍රී ලංකාවට ලබා ගැනීමට අවශ්‍ය වන නිල ක්‍රියාවලිය දැනටමත් යුරෝපා සංගම් - ශ්‍රී ලංකා වෙළෙඳ හා ආර්ථික සහයෝගිතා ක්‍රියාකාරී කමිටුව විසින් ආරම්භ කර ඇත. මෙම ක්‍රියාවලිය වසර අවසන් වීමට පෙර සාර්ථකව නිමාකරලීමට හැකිවනු ඇතැයි එම කමිටුව විශ්වාසය පළ කරයි.එසේම ජී.එස්.පී. සහනය පිළිබඳව රාජ්‍යතාන්ත්‍රික මට්ටමේ සාකච්ඡා වට කිහිපයක්ද ඉදිරි මාස කිහිපය තුළ පැවැත්වෙනු ඇති බවද වාර්තාවේ.